Նյու Յորքում 1931 թվականից սկսած տոնածառն ավանդաբար տեղադրվում է Ռոքֆելլեր կենտրոնի դիմաց: 2011 թվականի Ամանորի նախօրեին եղևնին զարդարող շղթաները կազմված էին 30 հազար լամպերից, իսկ գագաթին տեղադրված էր 2,7 մետր տրամագիծ ունեցող բյուրեղապակե աստղ, որ պատված էր Սվարովսկու բյուրեղներով:
Ամենայուրօրինակը Ռիո դե Ժանեյրոյի՝ Լագոա լճի վրա լողացող տոնածառն է: Նրա բարձրությունը կազմում է 85 մետր: Տոնածառը գրանցվել է Գինեսի ռեկորդների գրքում՝ որպես ամենամեծ լողացող տոնածառն աշխարհում: Տոնածառը զարդարվում է 3 միլիոն լամպերից կազմված շղթայով ու ղեկավարվում է համակարգչով: